شو سر تطويل الشعر عند الشباب ؟ أبي رايكم..

[عيوز الدار]

هذا الموضوع أنا حبيت أرمس فيه لان هالموضوع أشوف الكل قاعد يسويه
أن قاموا الشباب يربون شعورهم لين كتوفهم والبعض تحت الكتف ومطلعنه من الغتره والبعض تلاقيه رابط شعره متشبه بالبنات لا وبعد تلاقيه لابس الجينز الضيج اللي يفصل تقاسيم الجسم لا وبعد فاتح أزارير الصدر ليظهر المعلوم واللي يزيد الأمر سوءا إن كل الشباب يتباهى بطول شعره ويتسابق ويا ربعه على طول شعره لا وبعد قاموا يتخققون فالأسواق وكم من فتاه يحاول يشد انتباهها ويوقعها بالاعجاب بمظهره الجذاب
يليت بس يربون الشعر لا وبعد يستشورونه وقاموا يحطون شوي من المكياج بوجوههم

وتلاقيه مطيح بسبلاش واللولو......


وهم راضيين بنفسهم بتحرون الي يسوونه تحضر
لا واذا سألتهم باللي يسوونه اللي بقول تحضر وتقدم واللي بقول اقتداء برسولنا الكريم محمد صلى الله عليه و سلم فشتان بين هدف الشباب من بتربية شعورهم و بين هدف الرسول علية الصلاة و السلام من ذلك



هل من الحضاره أن يتمخطر الشاب بشعره بلباس أشبه ما يكون بلباس المرأه ليلفت نظر الفتيات ؟

هل تعني الحضارة و التطور مخالفة العادات و التقاليد المتعارف عليها منذ سنين ؟

من المسؤول عن تلك المهزله ؟

و هل توافقني الرأي بأنها مهزله غير مقبوله ؟

ما تعتقدون بأن إنتشار تلك الظاهره بين الشباب تقضي تدريجيا على همة الشباب و تشغلهم بأمور الدنيا عن النضال و الكفاح من أجل أمن بلدهم ؟

منو يفتخربهالشاب و هو مطول لشعره بلباس جينز ضيج و ويتباهى به بين ربعه ؟ و هل ترضى لأختك أو ابنتك عريسا يظهر بهذا المظهر ؟

هل توافقني الرأي بما طرحت أم تعتبر رأيي بهذه الظاهرة تشدد و تخلف و رجعيه ؟


أرجوا من جميع الشباب خاصه و من جميع الأعضاء عامة الإجابه على أسئلتي فقد أكون مخطئه برأيي .





والسموحه ع كل شاب فالمنتدى مطول شعره وأقولك خفف منه وصدقني اعتبرني اختك وابي مصلحتك

[ولد_دبي]

يسلموووو خيتو عيوز الدار عالموضوع الجيد ..


هل من الحضاره أن يتمخطر الشاب بشعره بلباس أشبه ما يكون بلباس المرأه ليلفت نظر الفتيات ؟
لا طبعا، الحضاره مب متعلقه بشعر ولا لبس!!


هل تعني الحضارة و التطور مخالفة العادات و التقاليد المتعارف عليها منذ سنين ؟
مستحيل، واذا كانت هاي هي الحضاره ما نباها


من المسؤول عن تلك المهزله ؟
الجمييييييع بدون استثناء


و هل توافقني الرأي بأنها مهزله غير مقبوله ؟
تطويل الشعر ولحد معين بس ما اعتقد انها مهزله، لكن تطويل الشعر لين الجتف واللبنس المرصص والمكياج طبعا هاي اكبر من انها اتكون مهزله


ما تعتقدون بأن إنتشار تلك الظاهره بين الشباب تقضي تدريجيا على همة الشباب و تشغلهم بأمور الدنيا عن النضال و الكفاح من أجل أمن بلدهم ؟
هيه نعم تقضي تدريجيا على همه الشباب، لكن في اشيا ثانيه بعد تقضي عالهمه وهي كثيره وتأثيرها اكبر


منو يفتخربهالشاب و هو مطول لشعره بلباس جينز ضيج و ويتباهى به بين ربعه ؟ و هل ترضى لأختك أو ابنتك عريسا يظهر بهذا المظهر ؟
طبعا ولا حد غير اللوث ربعه، والله ما يدخل بيتنا لو على جثتي .. جنز امرصص ومكياج بلعن ابو خامسه


هل توافقني الرأي بما طرحت أم تعتبر رأيي بهذه الظاهرة تشدد و تخلف و رجعيه ؟
اوافقج خيتو .. بس اعتقد ان تطويل الشعر لوحده وانه يكون لحد معين عادي .. لكن انه يوصل للجتف .. والي يسوي لي تسريحه ويلبس لي المرصص وحاط مكياج طبعا هذا منبووذ وعار علينا .. بس منووو بيمنعهم؟؟

فالنهايه اشكرج اختي عالطرح الجميل

يعطيج العافيه .. وتقبلوا راي المتواضع

سلام

[[][FinDi_GirL][]]

هل من الحضاره أن يتمخطر الشاب بشعره بلباس أشبه ما يكون بلباس المرأه ليلفت نظر الفتيات ؟
لا طبعا مب من الحضاره ولا من الأدب اصلا

هل تعني الحضارة و التطور مخالفة العادات و التقاليد المتعارف عليها منذ سنين ؟
لا ما يخصه الحضاره والله في هذا الشي يعني قمنا انشوف العماير تطول قامو يطولون شعورهم اي حضاره هاي
من المسؤول عن تلك المهزله ؟
الكل طبعا و الشخص نفسه

و هل توافقني الرأي بأنها مهزله غير مقبوله ؟
هيه اكيد مهزله مب شي اصلا .. شعر الريال بطوله المعروف وشكله اللي نعرفه نحن
مب لين الجتف و اطول .. كجره يطلع شكله

ما تعتقدون بأن إنتشار تلك الظاهره بين الشباب تقضي تدريجيا على همة الشباب و تشغلهم بأمور الدنيا عن النضال و الكفاح من أجل أمن بلدهم ؟
اكيد تشغلهم تخليهم يهتمون بالتطويل و الحركات اللي مالها داعي .. يقصون على عمارهم

منو يفتخربهالشاب و هو مطول لشعره بلباس جينز ضيج و ويتباهى به بين ربعه ؟ و هل ترضى لأختك أو ابنتك عريسا يظهر بهذا المظهر ؟
محد بفتخر بيستحي يقول انه هذا يقربلي اصلا .. لا طبعا محد يرضى و من البدايه محد بيشوفه او حتى يخطر على باله انه يكون عريس لاحد من أهله

هل توافقني الرأي بما طرحت أم تعتبر رأيي بهذه الظاهرة تشدد و تخلف و رجعيه ؟
لا لا بالعكس الصراحه انا من اشوف هالاشكال في اي مكان والله اعطيهم نظره في الصميم نظره مقرفه هههه ..

واتمنى انهم يشلون عنهم هاي العاده اللي مب حلووه موووووووول .. لانها تشوه نظره المرأه بالرجل ..

ومشكوووووووره على هذا الموضوع المعاصر

[عيوز الدار]

يسلمووووووووووووو الشيوخ على رايكم ورأيكم
ونتمنى من الجميع يشاركنا برايه

[الريم الدماني]

رايي من راي اخواني ولد دبي وفندي والصراحة ها السالفة اعتبر انها مصخرة ومالها داعي :(



تسلمين ع الطرح الرائع خيتووو :)

[دانة uae]

انا بعد رايي من راي الاعضاء اللي ردوا على الموضوع
وازيد من الشعر بيت
مثل ما احنا نحب نقصص شعورنا
هم يحبون يطولون شعورهم
وتلاقين الزوج يوم يتزوج يحب يكون شعر مرته طويل
خاصه لما اهوه مش قادر يطوله
وهذا شي حلو (بس عاد اذا كان عاجب الحرمه...هههه) لان الشي اللي مو قادر يسويه
او عيب انه يسويه يخليه للي يقدر واللي مفروض يكون هالشي فيهم
انا ما يعيبوني ابدا الرياييل اللي يطولون شعورهم
اصلا كيف بنسميه ريال وشعره شعر بنات .... يالله بالستر
وبعدين بدال ما ينشغلون بشي ثاني ينشغولون بهالامور الدنيويه
والله ما تخيل يجيني ريال او يجي لاختي واحد شعره بهالطريقه طويل
وين الرجوله وين الثقه اللي نقدر نعطيها اياه وهو بهالشكل
اصلا اصلا هو بروحه بيستحي يروح يتقدم لوحده وهو بهالمظهر

يالله احفظ شبابنا وابعدهم عن لهوات الدنيا

شكرا اختي على الموضوع الطيب
جعله الله في موازين حسناتك ان شاء الله

[الـY ـاسـY ـه]

تسلمين اختي )عيوز الدار(

ع المووضوع ومووضووع طرر للنقاش

انا مب مجاوبه ع الأسئله بس بتكلم عادي

انا مب ضد الرياال اللي يطول شعره

لان من نااحيه كشكل حلوو من تحت السفره وهاا رايي

ومن نااحيه ثاانيه اقتدااء بالرسول لان الرسوول صلي الله عليه وسلم

كاان مطول شعره

بس اللحين الشباب ما يطولونه اقتداء بالرسول لا بعضهم

يتشبهون بالمراه والعياذ بالله

بس نحن عندا شباب الغربيه والحمد لله ما يحبوون هاي السوالف

لا الجنز ولا الشباصات حتي تكون شعورهم مب ناعمه

وانا قلت مره حق اخوويه تعاال بستشور شعرك مب سيده قال لا تشوفيني

حرمه وهاا شي طيب وتقريباا اللي متمسكين باللبس الأماراتي ولا غيرووه

شباب الغربيه مب لاني منهاا لاغير اكثر من وااحد قاال جيه

ومن اللي اشوفه انا

تقبلي مروري ورايي

أــ خ ــتج

أنـ وخلى ـا

^_^

[المعتفس]

ليش مطولين الموضوع كلهم بيشاركون في الميدان هههههههههههه

وانتو صوتوا